PlattAG

Bereits seit vielen Jahren haben wir an der Grundschule dank der engagierten Arbeit unserer Pädagogischen Mitarbeiterin, Frau Perschel, eine kontinuierlich stattfindende Plattdeutsch-AG. In spielerischer Weise werden die Kinder an die Sprache herangeführt, die in unserem Dorf viel zu selten aktiv gesprochen wird.

Platt-AG in Hamborg

An 26. Oktober is de Platt-AG von de Wendisch Everner Grundschool in dat Ohnsorg-Theater nach Hamborg föhrt. Dat sünd: Pascal, Anne, Luisa, Liana und Thore ut de veerte Klass. Wi sünd mit dan Metronom na Hamborg föhrt und hebbt dat Stück „Buer Enno und sien Koh Afrika“ seihn. Ennos Koh hat nämlich ’n Fleck hat, de utseih as de Kontinent Afrika, darüm hett se so heeten. Buer Enno kunn Scheep drömen un de Scheep stunnen denn an’n annern Morrn vör sien Hoff. De Vörstellung weer schön. Blot twee Fruens hebbt up de Bühn stahn un dat Stück speelt un ok noch Musik dorto makt. Up de Rückfohrt hebbt wi noch mal öber dat Stück snackt. Düsse Namiddag int Theater hett us de Opwussen-Computerkurs schenkt. Wi hebbt us düchtig freit.

Plattdüütsch-AG bi "Gulliver"

Ok in düt Johr is de Platt-AG wedder in‘t Ohnsorg-Theater föhrt. De söben Kinners, de to de Platt-AG höört, hett an‘n 16. April nich to School gahn mösst. Se hett sik mit Fru Perschel, de Lehrersch von de Platt-AG, un mit Fru Soetbeer all freuh drapen un se sünd denn mit Bus un Bahn na Hamborg föhrt. In dat Studio von‘t Ohnsorg-Theater speel een Schauspeler ganz allen fief Rullen. He weer mal de Reisende Gulliver, denn wedder de Kaiser von Liliput un ok ‘n poor annere so dat he düchtig in‘t Sweeten keem. Wenn he een von de Liliputaners speel, denn schalt he üm up Platt, dat weer nämlich de ehr Spraak. In dat Ohnsorg-Studio passt man blot so bi föfftig Tokiekers un de Bühn is ganz dicht vör jem un all köönt goot seihn. Groten Indruck hett dat makt, as de „Minschenbarg‟ Gulliver bi‘t Löschen holp as den Kaiser sien Palast brenn. He hett dat nämlich so dahn, as dat ok Jungs makt. Water hett he nich halen mösst daför. As he denn bi den Kaiser in Ungnaad fullen is, is he leeber ut Liliput afhaut. Betahlt hett de Utfohrt wedder de Erwachsenen-Computer-Kurs, de in de Wendisch Everner Grundschool löppt.

Zurück Hier geht es zurück zur Seite Schüler!